لماذا تحول سيرفر الفوريفر الي limitiptv علي جهاز رسيفر ميديا ستار 2525؟
تفاجئ العديد من اصحاب جهاز رسيفر Media Star 2525 بتغيير تم في اسم سيرفر الفورايفر وعدم فتح قنوات بين سبورت مكسورة الشفرة او قنوات OSN الي سيرفر شيرينج ليميت اي بي تفي limitiptv ولكن ما هي حكاية هذا التغيير وهل سيبقي هذا السيرفر.
اللي حصل في اجهزه ميديا ستار كالاتي الأجهزة دي نفس معالج الأجهزة اللي بتنزل مصر وبتنزل في العراق بسعر رخيص جدا تاجر جاب شويه الأجهزة دي من العراق ونزلها مصر بسعر اقل من الأجهزة اللي في مصر والجهاز كان بيتباع جمله بسعر 400 جنيه واقل كمان.
اللي حصل ان بعض الشركات المصريه كلمت المصنع الخاص بأجهزه ال GX في الصين وقالتلهم مينفعش كده احنا بناخد شغل منكم وفي تعاقد ان محدش غريب ياخد ينزل شغل في مصر الا كام مستورد وبس وعلي راسهم طبعا شركات كبيره معروفه.
المستوردين قالت الموضوع لو استمر في مصر وفضلت الاجهزه دي تتباع وبسعر رخيص هنلبس في الحيط فاطلبت من المصنع قفل الاجهزه الخاصه بميديا ستار علشان محدش يجيبها تاني وترجع الاجهزه المصريه تتباع تاني بالسعر اللي يعجبهم ( حتان ياجدع ).
الموضوع حاليا في ايد صاحب اجهزه ميديا ستار انه يكلم الشركة ويفتح السيرفرات تاني غير كده السيرفر مش هيشتغل والرسيفر هيبقي عباره عن حته حديده.
للعلم حصل مع تاجر مصري نفس الحوار وتقفله الأجهزة ومستورد تاني راح خد منه الأجهزة بتراب الفلوس وغير اسم الجهاز ونزل باسم . سيناتور 2525 وكلم المصنع وقاله انا اشتريت الأجهزة وافتح السيرفرات تاني وبالفعل حصل
الموضوع حاليا صعب وزي ما بقولكم في ايد المستورد والتاجر اللي اشتري باع وخلاص والناس هي اللي لبست
تحديث 24/12/2022
عوده سيرفر الفور ايفر علي اجهزه ميديا ستار الحمد لله تم حل المشكله فلوس الناس حلال
قم بحذف السيرفر الاول وبعد كدة ضبط مصنع وبعد كدة ملف قنوات جديد عقم بتعطيل السيرفر ثم اعادة تفعيله بالضغط علي رقم 3 بالريموت ومبروك عليك عودة الفورايفر
بواسطة: احمد عز العالمي
